Ankarada Gülən hərəkatının 50-dən çox tərəfdarı saxlanıldı

Türkiyə polisinin Ankarada keçirdiyi xüsusi əməliyyat nəticəsində Fətullah Gülən (hazırda ABŞ-da yaşayan ictimai xadim) hərəkatının 54 tərəfdarı saxlanılıb.

Bu barədə çərşənbə günü Trend "TRT Haber"-ə istinadən məlumat verir.

Polisin xüsusi əməliyyatı fevralın 25-i səhər Türkiyə paytaxtının 20 rayonunda başlayıb və hazırda davam edir.

Daha əvvəl xəbər verildiyi kimi, Gülən hərəkatı ilə mübarizə çərçivəsində Türkiyənin dövlət strukturlarında son zamanların ən irimiqyaslı kadr dəyişiklikləri gözlənilir.

Gülən hərəkatı ilə mübarizə çərçivəsində, demək olar ki, bütün dövlət idarələrinin rəhbərləri dəyişdiriləcək.