Arif Hacılıdan Əli Kərimliyə cavab

“Əli Kərimlinin mənim getdiyim yerə qədər getdiyini görməmişəm”

Müsavat Partiyasının Mərkəzi İcra Aparatının rəhbəri Arif Hacılı Facebook-da qəzəbli bəyanatla çıxış edib. Musavat.com-un məlumatına görə, onu hiddətləndirən sosial şəbəkədəki “Xilas” qrupunda şərhlərdən biridir. 

Bir istifadəçi müxalifət düşərgəsinin aparıcı simalarını satqınlıqda ifadə edib. Arif Hacılının statusunda deyilir: “Bİr sıra tnınmış AXCP üzvlərinin də bəyəndiyi bu yazılar Əli Kərimlinin birlik mövzusundakı çıxışından sitatlarla yanaşı verililib. Əvvəla, əgər İsa Qəmbəri, Arif Hacılını, Mirmahmud bəyi, başqalarını “satqın” adlandırırsınızsa, birlikdən danışmaq nədir? İkincisi Əli Kərimli mənim, qardaşlarımın hansı əlaqələrini aşkar edib.

H.Əliyev 1 saylı fərmanı ilə məni Dövlət Müşaviri vəzifəsindən azad edib. Dərhal da parlamentdən kənarlaşdırıb. Bu rejim 20 ildir hər dəfə seçilsəm də, məni parlamentə buraxmır. Tanınmış siyasətçilərdən yeganə adamam ki,bu rejim tərəfindən iki dəfə uzun müddətə, dəfələrlə isə qisa müddətə həbs olunmuşam.Qardaşlarım da həmçinin.

Hakimiyyətə qarşı mübarizəyə gəldikdə isə Əli Kərimlinin heç vaxt mənim getdiyim yerə qədər getdiyini görməmişəm.Heç mənə güllə atılanda güllə səsi eşidilən yerə qədər də gəlməyə cəsarət etməyənlərin İsa Qəmbəri, məni, mənim silahdaşlarımı, o cümlədən, qardaşlarımı bu mövzuda müzakirəyə çıxarmağa haqqı yoxdur. Bu müttəfiqlik münasibətləri deyil. Bu düşmənçilik də yox, qəvi düşmənçilik münasibətidir”.