Forum dünyanın və MDB ölkələrinin aparıcı tərcümə şirkətlərini, peşəkar assosiasiyaları, şifahi və yazılı tərcüməçilərini, tərcümə müəllimlərini, təhsil müəssisələrini, tələbələri, eləcə də tərcümə müştərilərini əhatə edir və əsas məqsədi texnologiyanın inkişafı fonunda tərcümə sahəsində mövcud olan əsas trendləri və onların tərcüməçilərə göstərdiyi təsirləri öyrənmək, müxtəlif problemlərə birgə həll yolları axtarmaq və qarşılıqlı təcrübə mübadiləsi aparmaqdır.

Bir-birindən fərqli interaktiv formatlarda davam edən sessiyalarda aşağıdakı kimi məsələlərə toxunulmuşdur: gələcəyin tərcüməçisi, tərcüməçilərlə sifarişçilərin mübarizəsi, müasir tələblərə uyğun kadr hazırlığı, ali təhsil müəssisələri və işəgötürənlər (sahibkarlar) arasında dialoqlar, uğurlu tərcüməçiyə çevrilməməyin yolları, tərcüməçilərin emosiyalar və emosional intellekt barədə susduqları məqamlar, müxtəlif dillərə tərcümənin unikal tərəfləri və sair.