Bakupost.az xəbər verir ki, bu barədə erməni KİV-lər məlumat yayıb.

"Evlərdən birinə gələn azərbaycanlı erməni dilində danışırmış. Lakinb ev sahibi ondan şübhələnib və azərbaycanlı qaçıb. Hərbi geyimdə olan azərbaycanlı digər icmada yaxalanıb. Hazırda o, hüquq-mühafizə orqanlarının nəzarətindədir", -deyə məlumatda bildirilir.

Erməni mediası qeyd edib ki, azərbaycanlı hərbçi yolu azaraq Ermənistan tərəfə keçdiyini bildirib.

Qeyd edək ki, bu gün səhər saatlarında Azərbaycan Müdafiə Nazirliyi Naxçıvan Muxtar Respublikasının Şahbuz rayonu istiqamətində əlverişsiz hava şəraitində məhdud görmə səbəbindən ordumuzun iki hərbi qulluqçusunun ərazidə istiqaməti itirərək azdığını bildirib. Qeyd edilib ki, hərbi qulluqçularımızın axtarışı ilə bağlı zəruri tədbirlər görülür.