“Bankir adaxlı” tamaşası yeni quruluşda

“Bankir adaxlı” tamaşası yeni quruluşda

Vətəninfo.az  xəbər verir ki, mayın 24-də, saat 19:00-da Azərbaycan  Dövlət Musiqili Teatrında Emin  Sabitoğlu və Tamara Vəliyevanın “Bankir adaxlı” tamaşasının premyerası keçiriləcək. “Bankir adaxlı” tamaşası dörd illik fasilədən sonra yenidən bərpa edilib və bu iş xalq artisti Afaq Bəşirqızına həvalə olunub. Xatırladaq ki, ilk  premyera  12 may, 2000-ci il tarixində, rejissor  Faiq Zöhrabovun quruluşunda olub. Tamaşanın dirijoru Fəxrəddin Atayev, konsertmeysteri Zülfiyyə Sadıxova, rejissor assistenti Elməddin Dadaşovdur.

Yeni yaradıcı tərkibdə xalq artistləri Afaq Bəşirqızı (Nisə), Fatma Mahmudova (Ahuçu Gülbikə), əməkdar artistlər Novruz Qartal (Dilənçilərin padşahı), Çingiz Əhmədov (Atakişi), aktyorlardan Gültac Əlili (Məleykə), Gülnarə Abdullayeva (Səmayə), Rəsmiyyə Nurməmmədova (Ceyran) Gülçöhrə Abdullayeva (Maral),  Möylə Mirzəliyev (Zərgər), Gülcahan Salamova (Gülbikə), Hüseyn Əlili (Balakişi), Əliməmməd Novruzov (Nümayəndə), Ruslan Mürsəlov (Zaur), Türkel Şabanova (Zaurun bacısı), Məhərrəm Qurbanov (Nisənin əri), Elçin İmanov və Fərid Rzayev (Cangüdənlər) iştirak edirlər.

Vətəninfo.az



İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
[email protected]

www.miq.az