“Bədənimi reklam etmirəm” – Faiq Ağayev

Xalq artisti Faiq Ağayev meyxanaçı Namiq Qaraçuxurlunun yarıçılpaq fotosuna rəy bildirib.

Axşam.az-ın məlumatına görə, sənətçi “Lider” telekanalında yayımlanan “Pərdə” verilişinə açıqlamasında özünün də yaxın günlərdə bu cür açıq fotolar çəkdirəcəyini deyib:

“Fotoda Namiq tam çılpaq deyil. Bu cür şəkil çəkdirməyinə isə pis baxmıram, əcəb edib. Tamaşaçı məşhur insanın adi həyatını da görmək istəyir.

İnsan dənizə də gedir, hovuzda da çimir. Namiq də hovuza şalvar-pencəklə girməyəcək ki...

Mənim də bu yaxınlarda yeni fotosessiyam çıxacaq. Burada bədənimin bəzi hissələri görünəcək. Burda bədən reklam etmirəm ki, sadəcə şəkildir”.