Miq.az-a daxil olan məlumata görə, hakim Bərdə ƏSMM-nin geriyə dövlətə ödənilmək üçün tələb etdiyi pulların Ə. Muradovanın almadığını bildirərək dövlət vəsaitinin mənimsənilməsi faktını müəyyən etdiyini deyib. Qeyd edək ki, burada söhbət 10.000 manata yaxın şəhid təqaüdünün Bərdə ƏSMM-də yoxa çıxmasından gedir. Bərdə RPŞ-da bu barədə olan araşdırmasının düzgün aparılmadığını, başdangetdi nəsə yazıldığını vurğulayan hakim işin Respublika Prokurorluğunun Korrupsiya İdarəsində baxılmaq üçün qətnamə çıxaracağını bildirib. Aidiyyəti üzrə günahkarları tapmaq üçün cinayət işi açılmalıdır- deyib. 

Xatırladaq ki, 2007-ci ildə şəhid anası Əsli Muradova şəhid ailələri üçün ayrılan prezident təqaüdü alıb. 2008-ci ildə isə həmin qurumun baş mühasibi Abış müəllim hərbi komissarlıqdan şəhidliyi təsdiq edən  arayış tələb edib. İstənilən arayışı ala bilməyən ana Bərdə ƏSMM-nə bir daha getməyib. Həmin vaxt prezidentə məktub yazıb. Azərbaycan Respublikasının Hərbi Komissarlığından anaya gələn məktub da heç nəyi dəyişməyib. Ondan sonra əlacı kəsilən Ə. Muradova təqaüd dayandı deyə gozünü prezident təqaüdündən çəkib. 2014-cü ildə isə ona Bərdə ƏSMM-dən  məktub göndərilib ki, sən şəhidliyi təsdiq edən sənəd gətir. Aydın olub ki, Sən demə şəhid anasının üzünü qapıdan çölə salandan sonra şəhidin qanpulunu başqaları dədələrinin pulu kimi rahat-rahat alıb götürüb. Şəhid anası yuxarı orqanlara yazdığı məktubun cavabını ortalığa çıxarandan sonra ƏSMM rəsmilərinin yalanı açılıb.  Bu boyda həngamədən sonra demək olarmı ki, Bərdə ƏSMM-nin günahı yoxdur.

Miq.az-a Bərdə ƏSMM-dən daxil olan məlumatlara görə şəhid təqaüdünü mənimsəyənlərin kimliyi onlara bəllidir. Həmin vaxt mərkəzin işçiləri olan Fəridə və Hökumə bacıları tərəfindən bu pullar alınıb. Bildirildiyinə görə ƏƏSM naziri cənab Səlim Müslümovun təpkisindən sonra kapitalbankın bankomatı açılıb və bu bacıların ailə üzvlərinin həmin kartla pulları çıxararkən təsvirləri görünüb.