Toplantıda Forumun üzvləri və Tatarıstan üzrə nümayəndəsi Sərraf Kərimov iştirak ediblər. 

Beynəlxalq Antiişğal Forumunun Azərbaycan təmsilçiliyinin  sədri Akif  Nağı, üzvlər Mehdi Mehdiyev, Akif Kərimov,  Mehriban Abdullayeva, Əkbər Qoşalı, Vüqar Qədirov, Soltan Əzimzadə, Sərraf Orucov və Emin Həsənli 1988-ci ildən 1993-cü ilə qədər Azərbaycanda gedən proseslərə diqqəti yönəldərək  xüsusi vurğulayıblar ki, müxtəlif dövlətlərin məkrli niyyətlərinin , planlarının  həyata  keçməsində böyük rol oynayan  Ermənistanın torpaqlarımızı  işğal  etməsi  nəticəsində  yurd  yerlərimizin  itirilməsinin qarşısını məhz Heydər Əliyev kimi böyük siyasət adamı ala bilərdi.

O dövrdə əgər  ulu öndər xalqın təkidli tələbi ilə dönməsəydi bu gün Azərbaycan Suriya, İraq və Əfqanıstan kimi poliqona çevrilərdi. Azərbaycanın bu gün çiçəklənən bir ölkəyə çevrilməsi məhz  ulu öndər  Heydər Əliyevin böyük əməyinin nəticəsidir.

Bu gün də cənab İlham Əliyev  böyük  Azərbaycanlı  Heydər  Əliyevin yolunun davam etdirir. O ümid vurgulandı ki, işğalda qalan torpaqlarımız yaxın bir zamanda işğaldan azad olunacaq. Onda ulu öndərin və şəhidlərimizin ruhu şad olacaq.  Forum üzvləri Almaniyanın "Qondarma erməni soyqırımı” ilə bağlı qəbul etdityi qərarla bağlı narazılıqlarını, narahatlıqlarını bildirərək hər zaman Türkiyənin yanında olduğumuzu vurğulayıblar.

Almaniya kimi bir dövlətin vaxtilə soyqırım törətməsini  unutmasını, Xocalıda baş verən soyqırıma  səssiz qaldığına diqqəti yönəldərək tarixçilərin görəcəyi işə bir dövlətin  münasibət bildirməsinin  doğru olmadığını qeyd ediblər. O da bildirilib ki, bu yanlışlığın düzəldilməsi gec deyil və Almaniya məsələyə münasibətini dəyişəcək.

Bu günlərdə  Türkiyədə baş verən terror hadisələrinə diqqət yönəldən Forum üzvlərindən Radə Abbas, Mətanət Əsgərqızı, Firuzə  Əsədullayeva, Tahirə Məmmmədova, Naibə Behbudova, Cəsarət Hüseynzadə həlak olanların ailələrinə baş sağlığı verərək , yaralananlara tezliklə sağalmaqlarını arzulayıblar. O narahatlıq da bildirilib ki, bu gün Azərbaycanda torpaqların işğalda qalmasına  və Türkiyədə ardıarası kəsilməyən terror hadisələrinə qərb ölkələri göz yumur. Yaxşı olar ki, nəhayət bu ayrı seçkilik aradan qaldırılsın. Onda dünyada əmin-amanlıq bərqərar olar.