Beynəlxalq titullu abituriyentlərin sənəd qəbulunun vaxtı açıqlandı

TQDK dünya fənn olimpiadalarının, yüksək səviyyəli beynəlxalq müsabiqələrin və yarışların qaliblərinin nəzərinə çatdırır ki, bu kateqoriyadan olan abituriyentlər lazımı sənədləri 16 aprel – 18 may 2012-ci il tarixlərində komissiyanın regional bölməsinə (Naxçıvan, Gəncə, Quba, Lənkəran, Şəki) təqdim etməlidirlər.  Bu barədə “Vətəninfo”ya qurumun mətbuat xidmətindən məlumat verilib. TQDK-dan bildirilib ki, ümumi qaydada müvafiq SQK-da təsdiq olunmuş “Abituriyent ərizəsi” formasının surətini, müvafiq nailiyyətləri təsdiq edən sənədlərin surətini - diplom və fərdi proqram üzrə iştirakçı ölkələrin sayı göstərilən protokol təqdim olunmalıdır (protokolun əks olunduğu rəsmi internet saytı göstərilməklə). Qeyd edək ki, “Təhsil haqqında” Azərbaycan Respublikası Qanununun 26.5-ci maddəsinə əsasən, dünya fənn olimpiadalarının, yüksək səviyyəli beynəlxalq müsabiqələrin və yarışların qalibləri müvafiq ixtisaslar üzrə ali təhsil müəssisələrinə müsabiqədənkənar qəbul olunurlar.

Əli