Bir dəfəyə 7 uşaq doğdu

İranın Məşhəd şəhərində qeyri-adi hadisə baş verib.

Vətəninfo.az xəbər verir ki, 24 yaşlı ana bir dəfəyə 7 uşaq dünyaya gətirib.

İran televiziyasının yaydığı məlumata görə, evdar qadın olan Neda Aləminin dünyaya gətirdiyi körpələrin ikisi oğlan, beşi isə qızdır. Oğlanlardan biri doğuş zamanı ölüb.

Uşaqların doğulduğu xəstəxananın baş həkimi Fatimə Tara uşaqlardan beşinin ümumi vəziyyətinin yaxşı olduğunu, lakin qız uşaqlarından birinin problemi olduğunu deyib. Uşaqların çəkisi 720-940 qramdır və onların yaşama şansının 70-80 faiz olduğu bildirilir.

Fəhləliklə dolanan Aləmilər ailəsi körpələrin ehtiyacını təmin etmək üçün dövlətdən yardım istəyiblər.