“Bitməyən matç”ın təqdimat mərasimi keçirilib

Bu gün 19 yaşadək futbolçulardan ibarət millimizin yeni baş məşqçisi Nazim Süleymanovun 50 illik yubileyi ilə bağlı çap edilən “Bitməyən matç” kitabının təqdimat mərasimi keçirilib.

Vətəninfo.az “Qafqazinfo”ya istinadən xəbər verir ki, Beynəlxalq Mətbuat Mərkəzində keçirilən təqdimat mərasimində "Neftçi”nin prezidenti Çingiz Abdullayev, idman-direktoru Vəli Qasımov, AZAL klubunun vitse-prezidenti Fikrət Hüseynov, AFFA İcraiyyə Komitəsinin üzvü İsgəndər Cavadov, millimizin məşqçiləri Mahmud Qurbanov, Elxan Abdullayev, Məşqçilər Komitəsinin üzvləri Vaqif Sadıqov, Şahin Diniyev iştirak edib.
Kitab 3000 tırajla çap edilib. Kitabda səbəbkarın Azərbaycan və Rusiya karyerasından bəhs edilib, tanınmış simalardan münasibət əks etdirilib.