Bu adı qoymaq qadağan olundu

Şimali Koreya ölkə əhalisinə uşaqlarına dövlət başçısı Kim Conqun adını verməyi qadağan edib.

Publika.az-ın məlumatına görə, bununla bağlı hökumət xüsusi sərəncam verib. Sərəncama əsasən, Şimali Koreya liderinin adaşları yaxın zamanlarda adlarını dəyişməli olacaqlar.

Höküməti adını və sənədini dəyişmək məcburiyyətində qalacaq vətəndaşların sayı barədə məlumat verməyib. Ölkədə isə demək olar ki, orta hesabla hər beşinci ailədə Kim adını daşıyan ən azı bir nəfər var.

Şimali Koreyada Conq Un adı da kifayət qədər yayılmış adlar siyahısına daxildir.

2011-ci ildə Şimali Koreyanın o vaxtkı lideri Kim Conq İl onunla eyni adı daşıyan ölkənin bütün vətəndaşlarına könüllü sürətdə adlarını dəyişdirməyi tövsiyyə edən fərman imzalamışdı. Eyni zamanda ölkədə Şimali Koreya dövlətinin qurucusu Kim İl Sungun adının yeni doğulan uşaqlara verilməsi qadağan edilmişdi.