“Bu uşaq sadəcə bizim üçün deyil, eyni zamanda sizin üçün də risk olacaq”

İŞİD terror qruplaşması körpə uşağa aid səs-küy doğuran bir fotoşəkil yayımlayıb.

Vətəninfo.az ANS PRESS-ə istinadən məlumat verir ki, İŞİD terror qruplaşması sosial şəbəkələrdə körpə bir uşağa şəxsiyyət vəsiqəsi verdiklərini göstərən fotoşəkil yayımlayıblar. Lakin orada diqqət çəkən əsas məqam isə uşağın başının yanında qumbara və silahın qoyulması olub. Bu barədə “Independent” xəbər yayıb.

Xəbərdə bildirilir ki, İŞİD-çilərin paylaşdığı fotoşəkildə “bu uşaq sadəcə bizim üçün deyil, eyni zamanda sizin üçün də risk olacaq” – deyə sözlər yazılıb. Bundan başqa, Rəqqada doğulan uşağın adının Cərah olduğu qeyd edilir.

Sözügedən fotoşəklin sosial şəbəkə yayımlanması bir daha İŞİD terrorçularına qarşı nifrət hissini artırıb. Onların iyrənc əməlləri üçün körpələrdən və günahsız insanlardan istifadə etməsi internet istifadəçiləri tərəfindən pislənib.