Bu sözləri Pravda.az-a açıqlamasında Milli Məclisin deputatı Azər Badamov deyib.

 

Deputat vurğulayıb ki, Sülh Şurasının yeniliyi ilə bərabər hədəfləri də müəyyəndir: "Şura beynəlxalq hüquqda universalist prinsiplərə dair daha geniş öhdəliklər vəd edir. Bu təsisat ədalətsiz idarəetmə qavrayışlarını yeniləməyə də ümid yaradır. ABŞ Prezidenti Donald Tramp Azərbaycan Prezidenti cənab İlham Əliyevə bir daha yüksək diqqət göstərdi, dövlət başçımızın səylərini, neçə illik zəhmətini yüksək dəyərləndirdi, əla iş gördüyünü bildirdi. Trampın cənab Prezidentə bir neçə dəfə xitab etməsi dövlət başçımızın dünya səviyyəli siyasətçi olduğundan xəbər verir. Azərbaycan yeni dünya nizamının birbaşa iştirakçısı, buna gətirən yolların isə təşəbbüskarıdır. Çünki Azərbaycan Lideri bu günü yaxınlaşdırmaq üçün gecə-gündüz, yorulmadan əmək sərf edib. Azərbaycan xalqı məhz bu amili təqdir edir, alqışlayır. İndi Azərbaycanla əməkdaşlıq etmək üçün növbəyə düzülürlər. Azərbaycan Prezidenti dünyanın yenidən qurulması məqsədilə strategiyalar və maliyyələşdirməni müəyyən etmək üçün üzv ölkələrin nümayəndələrini bir araya gətirəcək təsisatda vizyon sahibi kimi önə çıxır”.