Əl-Qaidə İran səfirliyini partlatdı

Yəmən paytaxtı Sənada İran səfirliyinin binası partladılıb.

Vətəninfo.az Publik.az-a istinadən xəbər verir ki, avtomobilə yerləşdirilmiş bombanın partlaması nəticəsndə səfirliyin divarı dağılıb və yaxınlıqdakı bir neçə binaya zərər dəyib. Hadisə zamanı azı 3 nəfər ölüb, 17 nəfər yaralanıb.

Hücumun məsuliyyətini Ərəbistan yarımadasındakı Əl-Qaidə öz üzərinə götürüb. Əl-Qaidə bunu özünün Tvitter səhifəsində bildirib.

Rəsmilər İranın Yəməndəki səfiri Hüseyn Nikamın xəsarət almadığını bildirib.İranın dövlət İRNA xəbər agentliyi Xarici İşlər Nazirliyinin sözçüsü Mərziyə Əfxama istinadən bildirib ki, səfirlik işçilərinin durumu yaxşıdır və nazirlik hadisə ilə bağlı təhqiqat aparır.