Ərdoğan bayraqlara görə əyildi

Prezident Türkiyə və Türkmənistan bayraqlarını yerdən qaldırıb cibinə qoydu

Türkmənistanda səfərdə olan Türkiyə prezidenti Rəcəb Tayyib Ərdoğan paytaxt Aşqabatdakı Oğuzhan Sarayında rəsmi mərasimlə qarşılanıb.

ANS PRESS-in məlumatına görə, Ərdoğanın şərəfinə hərbi qaravul düzülüb. Ərdoğan hərbi mərasimin sonunda saraya daxil olub və bu zaman yerdəki bayraqlar onun diqqətini çəkib. Prezident Türkiyə və Türkmənistan bayraqlarını yerdən götürərək cibinə qoyub.

Ərdoğanın bu addımı kameraların obyektivindən də yayınmayıb.

Qeyd edək ki, Türkiyə prezidenti bugünkü rəsmi proqramı çərçivəsində Türkmənistan prezidenti Qurbanqulu Berdimuhammedov ilə görüşəcək.