Ərdoğan silahlı qruplara sahib çıxır -İddia

Bəşər Əsəd rəhbərliyindən Türkiyəyə sərt münasibət sərgilənib.

“Vətəninfo.az” Türkiyə mətbuatına istinadən xəbər verir ki, Suriyanın ölkə sərhədlərinin qorunması üçün NATO-ya müraciəti ilə bağlı rəsmi Ankaradan gələn münasibət ölkə rəhbərliyini əsəbiləşdirib. Suriya Xarici işlər nazirliyinin spikeri Cihad Makdissi, Türkiyənin Baş naziri Rəcəb Tayyib Ərdoğan və xarici işlər naziri Əhməd Davudoğlunun açıqlamalarının BMT-nin və Ərəb Ölkələri Liqasının Suriya üzrə xüsusi səfiri Kofi Annanın atəşkəs planına əks olduğunu iddia edir və Ərdoğanın açıqlamasının qayğıverici olduğunu bildirir. Makdissi, Ankaradan gələn bu münasibətin, yaxşı qonşuluq siyasətinə uyğun gəlmədiyini iddia edir. Spiker həmçinin, Suriyalı müxalifləri nəzərdə tutaraq, Ərdoğanın”silahlı qruplara" ev sahibliyi etdiyini söyləyib. O, bildirib ki, Suriya bundan öncə də, Türkiyəni günahlandıran açıqlamalar verib. 

Mirvari Nəcəf