Erməni müşavir məhkəməyə çağırıldı

Türkiyə Baş nazirinin milliyyətçə erməni olan baş müşaviri Etyen Mahçupyan məhkəməyə çağırılıb.

Mahçupyan bu yaxınlardakı korrupsiya qalmaqalı ilə bağlı iş üzrə ifadə verib.

Xatırladaq ki, 2013-cü il dekabrın 17-də İstanbul və Ankarada keçirilmiş xüsusi əməliyyat nəticəsində onlarla insan, o cümlədən iş adamları və bəzi nazirlərin oğulları saxlanılmışdı. Onlar korrupsiya, qaçaqmalçılıq və narkotik vasitələrin reallaşdırılması ittihamı üzrə saxlanılmışdılar.

Türkiyə prokurorluğu bu ilin fevralında saxlanılanların azad edilməsi barədə qərar qəbul etmişdi.