Əsəd yeni ili əsgərlərlə qarşıladı - FOTO

Suriya prezidenti Bəşar Əl-Əsəd ölkədə davam edən vətəndaş müharibəsinin ön cəbhəsinə gedərək Yeni İl axşamını Dəməşqın ətrafında qoşunları ilə birgə keçirib.

Publika.az xəbər verir ki, bu barədə Suriya dövlət televiziyası məlumat yayıb. Dövlət televiziyasının göstərdiyinə görə, Bəşər Əsəd şam yeməyini Cobar məhəlləsində əsgərlərlə birlikdə edib. Bu ərazidə hökumət qüvvələri ilə müxalif döyüşçülər arasında son bir neçə aydır döyüşlər davam edir. Əsəd əsgəri ölkələrini qoruduqlarına görə alqışlayıb.

Suriya qüvvələri 2013-cü ildən bəri Dəməşq ətrafında döyüşləri davam etdirir.

Suriya İnsan Haqlarını Müşahidə qrupu bildiri ki, ötən il Suriyada minlərlə mülki sakin də daxil olmaqla, 76 min 21 nəfər həlak olub.