Fırtına Yerə çatdı

Bazar günü Günəşdən fəzaya atılan bir neçə qaynar nəhəng plazma buludu dünyaya çatıb. Nəticədə, G4 sinfinə mənsub güclü geomaqnit qasırğası yaradıb.

Amerika Milli Okean və Atmosfer İdarəsi (NOAA) iyunun 21-də Günəşdə meydana gələn partlamanın təsirinin dünən günorta saatlarında yerə çatdığı barədə açıqlama verib. Nəticədə, enerji şəbəkələri ilə GPS sistemləri arasında problemlər yaranıb. Qütb bölgələrində parlaq Auroralar (qütb işıqları) müşahidə edilib.
NOAA mütəxəssisləri günəşdə fəaliyyətin çox güclü olduğunu və radiasiya fırtınasının təxmin ediləndən daha sürətli şəkildə dünyaya çatdığını bəyan ediblər. Onlar bunu 2005-ci il sentyabrdan sonra baş vermiş ən şiddətli partlayış kimi dəyərləndiriblər.
NASA-nın kosmik gəmisi həmin günəş partlayışını qeydə alıb. Günəş fırtınası güclü radiasiya partlayışları ilə müşahidə edilir. Zərərli radiasiya dünyaya çatsa da, atmosferi keçə bilmir və insanlara fiziki təsir etmir. Lakin rabitə kanallarında kəsintilər meydana gəlir.

Publika.az