Gecə Bakıda 2 maşın yandı

Vətəninfo.az  xəbər verir ki, Gecə Bakıda iki avtomobilin yanması ilə nəticələnən yanğın hadisəsi baş verib. ANS PRESS FHN-nin internet saytına istinadən xəbər verir ki, ilk hadisə Qaradağ rayonunda baş verib. Məlumata görə, vətəndaşa məxsus "Forland" markalı yük avtomobilinin kabinəsi yanıb. Avtomobilin qalan hissəsi yanğından mühafizə olunub, yanğın saat 23:54-də yanğınsöndürənlər tərəfindən söndürülüb.

Gecənin növbəti yanğın hadisəsi isə Suraxanı rayonunda baş verib. Məlumata görə, Suraxanı rayonunda vətəndaşa məxsus "Nissan" markalı minik avtomobilinin mühərrik hissəsi yanıb. Avtomobilin qalan hissəsi yanğından mühafizə olunub, yanğın saat 03:25-də yanğınsöndürənlər tərəfindən söndürülüb.

Vətəninfo.az