“Geyimimə görə məni xalq düşməni edəcəkdilər”

Gənc müğənni Afaq Aslanın yaradıcılığında daha bir yenilik var.

Vətəninfo.az xəbər verir ki, müğənninin Gün.az-a verdiyi məlumata görə, o, daha öncə ifa etdiyi və ilk albomunun adını daşıyan “Sənə görə” mahnısının remiks versiyasını hazırlayıb.

O, sözləri Baba Vəziroğluna, musiqisi Kamala məxsus “Sənə görə” mahnısını Türkiyədə yenidən aranjeman etdirib və fərqli remiks variantı hazırlanıb. İfanın yeni formasını isə bir çox türk ulduzları ilə çalışan musiqiçi Erhan Bayrak işləyib.

A.Aslanın sözlərinə görə, o, mahnının məhz remiks variantına klip çəkdirməyə hazırlaşır:

“Bir çox tamaşaçılar bundan öncə çəkdirdiyim “Aysan gecələrimdə” klipimi qınadılar. Geyimimə görə məni az qala xalq düşməni etməyə hazır idilər. Bununla da bəzi düşmənlərim sənətdən getməyimə nail olmaq istəyirdilər. Ancaq onlara demək istəyirəm ki, məni heç nə ruhdan sala bilməz. Çəkdirmişəm və indi də yenisini çəkdirəcəyəm. İncəsənət də gözəllik kimi qurban tələb edir. Növbəti klipim də çox müzakirə olunacaq”.