Hüseynağa Sadıqovun 100 illik yubileyi qeyd ediləcək

Vətəninfo.az  xəbər verir ki, mayın 20-də saat 19.00-da Azərbaycan Respublikası Mədəniyyət və Turizm nazirliyinin təşkilatçılığı ilə Azərbaycan Dövlət Gənc Tamaşaçılar Teatrında görkəmli sənətkar, parlaq istedada malik unudulmaz teatr və kino aktyoru, Xalq Artisti Hüseynağa Sadıqovun anadan olmasının 100 illiyinə həsr olunmuş təntənəli xatirə gecəsi keçiriləcəkdir.
Tədbirdə sənət adamları çıxış edərək görkəmli aktyor haqqında fikirlərini bölüşəcək, sənətkarın çəkildiyi filmlərdən və oynadığı rollardan kadrlar nümayiş etdiriləcəkdir. Tədbirin quruluşçu rejissoru teatrın baş rejissoru, Əməkdar İncəsənət Xadimi Bəhram Osmanovdur.
Teatrın foyesində ölməz aktyorun yaradıcılığını əks etdirən fotosərgi tamaşaçılara təqdim olunacaqdır.

Vətəninfo.az