1. Miq.az
  2. İlqar Məmmədov heç bir seçkidə İŞTİRAK EDƏ BİLMƏYƏCƏK -2024-cü ilin avqustunadək

İlqar Məmmədov heç bir seçkidə İŞTİRAK EDƏ BİLMƏYƏCƏK -2024-cü ilin avqustunadək

İlqar Məmmədov heç bir seçkidə İŞTİRAK EDƏ BİLMƏYƏCƏK -2024-cü ilin avqustunadək
Tarix: 28.03.2019 18:31
Baxış sayı: 527


Bu gün də Ali Məhkəmə  Şəki Ağır Cinayətlər Məhkəməsinin REAL Partiyasının sədri İlqar Məmmədovun haqqındakı cəzasını dəyişdirib. Dəyişikliyə əsasən, İlqar Məmmədovun şərti cəzası ləğv olunub. Başqa sözlə, onun cəzası 5 il 6 ay 9 günə endirilib və həmin müddət çəkilmiş hesab edilib.

İlqar Məmmədovla bağlı bütün məhdudiyyətlər, o cümlədən, ölkədən çıxış qadağası da aradan qaldırılıb.

Qaynarinfo xəbər verir ki, REAL Partiyasının xarici əlaqələr katibi Erkin Qədirli İlqar Məmmədovla bağlı yeni açıqlama verib. O bildirib ki, Ali Məhkəmə İlqar Məmmədovun kassasiya şikayətini qismən təmin edib.

"Üzərindən şərti cəzanı və ölkədən çıxmaqla bağlı qadağanı ləğv etdi. Amma cinayət işinə xitam vermədi. Bu isə o deməkdir ki, İlqar Məmmədov 13 avqust 2024-cü ilə qədər heç bir seçkidə namizəd kimi iştirak edə bilməyəcək”.

E.Qədirli məsələ ilə bağlı yenidən məhkəməyə müraciət olunacağını istisna etməyib.

Miq.Az



Həmçinin oxuyun

İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.
BİZİMLƏ ƏLAQƏ

Tel: +994 55 875 56 58
[email protected]

www.miq.az