İraq ordusu kimyəvi silah anbarını İŞİD-dən geri alıb

İraq ordusu Bağdadın şimalında yerləşən kimyəvi silah anbarını İŞİD-dən geri alıb.

Vətəninfo.az xəbər verir ki, bu barədə kimyəvi silahın qadağan edilməsinə dair təşkilata üzv ölkələrinin Haaqada keçirilən 19-cu konfransında iştirak edən İraq xarici işlər nazirinin müavini Məhəmməd Cavad əl-Douraki məlumat verib.

Kimyəvi silahlar hələ keçən ilin iyun ayından İŞİD-in əlinə keçən ərazidəki iki bunkerdə saxlanılırdı. Terrorçular kimyəvi silahla yanaşı, raketlərin və döyüş sursatın saxlandığı anbarı aça bilməyiblər.

İraq nümayəndəsinin verdiyi məlumata görə, kimyəvi silahların məhvinə dair plan əsasında tikilən bunkerlərin ərazisinin minalardan təmizlənməsinə başlanılıb.