İraqın vitse-prezidenti Səudiyyəni ittiham etdi

Rusiya və İranın iqtisadiyyatını zəyiflətmək üçün Səudiyyə Ərəbistanının apardığı neft siyasəti üzündən İraq tənəzzülə uğrayır.

Publika.az-ın məlumatına görə, bu barədə İraqın vitse-prezidenti Nuri əl-Maliki bildirib.

Əl-Maliki buildirib ki, Səudiyyə Ərəbistanının İran və Rusiyayay qarşı tutduğu mövqe İraqa da mənfi təsir göstərir. Ölkəsinin hazırda büdcəyə təsir edən güclü maliyyə böhranı ilə üzləşdiyini deyən deyən vitse-prezident çıxış yolunu investisiya cəlb edilməsində görür.

Əl-Maliki hələ Baş nazir olduğu dövrlərdə Səudiyyə Ərəbistanının ünvanına sərt tənqidlərlə yadda qalmış və krallığı İraq ərazisində fəaliyyət göstərən yaraqlılara maliyyə yardımı göstərməkdə ittiham etmişdi.

Səudiyyə Ərəbistanının qeyri-formal liderlik etdiyi Neft İxracatçıları Təşkilatı (OPEC) noyabrın 27-də Avstriyanın paytaxtı Vyanada keçirilən iclasında hasilatı sutkada 30 milyon barrel həcmində saxlamağa qərar vermişdi. Bu qərar dünya bazarında neftin qiymətinin daha da ucuzlaşmasına səbəb olub.