İslam düşməni özünü Hitlerə bənzətdi - Foto

Qərbin İslamlaşmasına Qarşı Vətənpərvər Avropalılar (PEGIDA) hərəkatının qurucularından olan Lutz Baçmann sosial şəbəkələrdə Adolf Hitlerə bənzəyən şəklini paylaşıb.

Axar.az xəbər verir ki, o paylaşdığı şəklin altında "O, yenidən burada" yazıb.

Böyük səs-küyə səbəb olan bu hadisədən sonra mətbuata açıqlama verən Baçmann fotoşəklini məşhur komediya aktyoru Kristof Mariya Herbstin internet səhifəsi olan "O, yenidən burada"ya göndərdiyini bildirib:

"Mən o fotoşəkli "O, yenidən burada" səhifəsində yayımlanması üçün göndərmişəm və onların da xoşuna gəlib".

Bir çox cinayətlərdə iştirakına görə dəfələrlə həbsdə yatmış 41 yaşlı Biçmann martın 18-də uşağının alimentini ödəmədiyi üçün yenidən hakim qarşısına çıxacaq.

Xatırladaq ki, Baçmannın sosial şəbəkələr vasitəsi ilə yaratdığı PEGIDA hərəkatı 12 nəfərlə fəaliyyətə başlasa da, indi bu hərəkata qoşulanların sayı 25 mini ötüb.