Kanada tarixində ən ağır cəza: 75 il həbs

Kanada məhkəməsi 3 atlı polisin ölümündə günühkar hesab etdiyi caniyə 75 il azadlıqdan məhrum olunma hökmü verib.

Vətəninfo.az xəbər verir ki, dinləmələr zamanı müəyyən olunub ki, bu ilin iyun ayında Castin Bork adlı silahlı vətəndaş Nyu-Bransuik əyalətinin Monkton şəhərində çaxnaşma yaradaraq polislə atışmağa başlayıb. Bu zaman o 3 polisi öldürərək, ikisini də yaralayıb.

Hakim hadisəni Kanada tarixində ən pis cinayətlərdən biri kimi qələmə verib. Buna uyğun olaraq verilən hökm ölkədə 1962-ci ildə ölüm hökmü ləğvediləndəndən bu yana ən ağır cəza kimi də tarixə düşüb.