Millət vəkili Adil Əliyevin təşəbbüsü ilə qanvermə aksiyası həyata keçirilib

Bu gün Azərbaycan Kikboksinq federasiyasının prezidenti, millət vəkili Adil Əliyevin təşəbbüsü ilə, Nərimanov rayon 2-ci seçki dairəsi ərazisində yaşayan və yaşı 22-dən yuxarı olan seçicilərin və idmançıların qanvermə aksiyası həyata keçirilib.
“Vətəninfo.az” xəbər verir ki, aksiyada 150-dən çox insan qan verib.
Millət vəkili Adil Əliyev aksiya ilə bağlı çıxış edərək bildirib ki, hər bir azərbaycanlının borcudur ki, bu cür aksiyalarda iştirak edib, üzərinə düşən vəzifəni yerinə yetirsin.
“Azərbaycanın qan bankının daha da gücləndirilməsi, qan ehtiyatının müəyyən olunan həddə saxlanılması vacibdir. Çünki, hər gün yüzlərlə insanın qana ehtiyacı olur. Bu qanın toplanması da hər bir azərbaycanlının üzərinə düşür. Biz bunu etməklə məsuliyyətimizin bitdiyini düşünmürük. Bundan sonra da bu tip aksiyalar həm federasiya, həm də seçildiyim ərazidə yaşayan insanlarla birlikdə davam edəcək”.