Millət vəkili:"Minsk qrupunun bu formatı ləğv olunmalıdır"

“ATƏT-in Minsk qrpunun həmsədrləri olan Rusiya, Amerika Birləşmiş Ştatları və Rusiya güclü dövlətlərdir. Bu 3 dövlətin Ermənistana təsir etmək rıçarqları hədsiz dərəcədə çoxdur. Rusiya Ermənstana desə ki, işğalçılıq niyyətindən əl çəksin, Ermənistan avtomatik bu addımı atacaq”. Azərbaycan Prezidenti yanında Əfv Məsələləri Komissiyasının üzvü, millət vəkili Məlahət İbrahimqızı “Veteninfo.az”a açıqlamasında belə deyib. Onun sözlərinə görə, Fransanın, ABŞ-ın həmçinin beynəlxalq təşkilatların, o cümlədən AŞPA-nın da Ermənistana kifayət qədər təsir etmək imkanı var: “Amma onlar bu addımı atmırlar. Azərbaycan xalqının və dövlətinin qarşısında ilk növbədə onlar öz öhdəliklərini yerinə yetirməlidirlər. Onlar xalqımızın qarşısında haqlı sualdan qaçaraq, başqa məsələlərdən danışırlar… 20 ildir ki, həmsədrlər Azərbaycana gəlib gedirlər. Burada yeyib içir, bu missiyadan tranpilin kimi istifadə edirlər, hansısa ölkəyə səfir göndərilirlər və s. Artıq bizdə fikir formalaşır ki, ATƏT-in Minsk qrupunun formatı dəyişdirilməlidir. Birincisi Tükiyə həmsədr olmalı, Avropa Birliyi də prosesə cəlb olunmalıdır. Ən azı ATƏT-in Minsk qrupunun bu formatı ləğv olunmalıdır. Qarabağ münaqişəsinin həlli BMT-nin mandatına verilməlidir”.

Firudin