“Müasir Azərbaycanın memarı – Heydər Əliyev” mövzusunda fotosərgi və esse müsabiqəsi keçiriləcək

Azərbaycan-Slavyan Gənclər Assosiasiyasının (ASGA) Rusiya nümayəndəliyi Azərbaycan Mədəniyyətinin İnkişafı və Dirçəliş Fondunun dəstəyi ilə 18 oktyabr - Azərbaycanın Dövlət Müstəqilliyi Günü münasibətilə oktyabrın 16-18-də Moskvada "Müasir Azərbaycanın memarı - Heydər Əliyev” mövzusunda fotosərgi və esse müsabiqəsi keçirəcək.

Vətəninfo.az-ın məlumatına görə, ASGA Rusiya nümayəndəliyinin rəhbəri Toğrul Allahverdili AZƏRTAC-a bildirib ki, layihənin əsas məqsədi Rusiyada yaşayan azərbaycanlı gənclər arasında ulu öndər Heydər Əliyevin irsini təbliğ etmək, eyni zamanda, onlara Azərbaycanın müstəqillik tarixi haqqında məlumat verməkdir. T.Allahverdili deyib: "Sərgi üç tematik bölmədən - ulu öndər Heydər Əliyevin həyat və fəaliyyəti, Azərbaycanın Müstəqillik Günü, müasir və inkişaf edən Azərbaycan ibarət olacaq. Yazı müsabiqəsində iştirak etmək istəyənlər esselərini [email protected] elektron poçtuna göndərə bilərlər”.