Musa Yaqub: "Narazılıq var ki, yandırırlar da"

Tanınmış şair, əslən İsmayıllıdan olan ziyalı Musa Yaqub rayonda baş verən hadisələrlə bağlı Bakuinfo.Az-a açıqlama verib. Şair bildirib ki, insanların etirazı son vaxtlar rayon rəhbərliyinin yerli əhaliyə qarşı münasibətinin nəticəsidir:

"Mənim içimdə də müəyyən təbəddülatlar var. Son vaxtlar İsmayıllıda meşələr hasarlanır, insanların əlindən alınır, torpaq yenidən satılır, təyinatı dəyişdirilir. Amma onlar təhqirə dözmürlər. İsmayıllı çox tərbiyəli yurddur”.

Şair icra başçısı Nizami Ələkbərovla bağlı sualı belə cavablandırıb: "Bundan sonra çətin ki orada işləsin. Onun oğlunun evini-eşiyini, maşınlarını niyə yandırırlar? Narazılıq var ki, yandırırlar da”.

Veteninfo.az