Osmanlı marşının orjinal nüsxəsi tapılıb

Almaniyanın Dövlət Kitabxanasında 1916-cı ildə bəstələnmiş “Yaşasın osmanlılar” türk marşının sözləri və musiqi notlarından ibarət kitabın əsas nüsxəsi tapılıb.

Vətəninfo.az xəbər verir ki, Osmanlı dövlətinin Vyanadakı sonuncu səfiri Hüseyn Helmi Paşaya həsr olunmuş əsər bəstəkar M.Bütner - Valdmüller tərəfindən nota alınıb. Bəstələndikdən sonra sözləri türk və alman dillərində yazılmış əsərin Vyana, Leypsiq və Budapeşt şəhərlərində təqdimatı keçirilib.

Kitabın üz qabığında, bunun satışından, bəstədən və musiqinin ifasından əldə olunan gəlirlərin Qızıl Aypara Cəmiyyətinin fonduna köçürüldüyü barədə qeyd var.