Parkomatların işi təkmilləşdirilir

Bakıda parklama prosesinin təkmilləşdirilməsi çərçivəsində parkomatların quraşdırılması barədə qərar düzgün və vaxtında verilmiş qərardır.

Vətəninfo.az-ın məlumatına görə, bu barədə jurnalistlərə Azərbaycanın nəqliyyat nazirinin müavini Musa Pənahov bildirib.

Onun sözlərinə görə, parklama şəhərdə nəqliyyatın hərəkətinin təşkilində mühüm elementlərdən biridir. Bu istiqamətdə həyata keçirilən tədbirlərdən biri düzgün parklama prosesini və nəqliyyat vasitələrinin vaxtında yola düşməsini tənzimləyən parkomatların quraşdırılması oldu: "Sistem təkmilləşdirilir və bu proses davam etdiriləcək. İlkin mərhələdə bəzi çatışmazlıqların olması mümkündür, lakin ümumilikdə, biz hesab edirik ki, bu, düzgün və vaxtında qəbul edilmiş qərardır”.