Politoloq: "İran Pakistan kimi hərəkət edərdisə…"

«İran belə təkliflərlə bir neçə dəfə çıxış edib. Bir dəfə də bu addım 1992-ci ildə atılıb. Azərbaycan tərəfi İranın bu təklifini qəbul etmək niyyətində idi. O zaman ermənilər hücuma keçdilər. Şuşanın və Laçının işğalı da həmin dövrə təsadüf etdi». 

Bunu «Vətəninfo.az» saytına açıqlamasında Politoloq Elman Nəsirov İranın Azərbayzandakı səfirinin İranın vasitəçilik etməsi istəyi ilə bağlı açıqlamasına münasibət bildirərkən deyib: «İranın vasitəçilik təşəbbüsünün nəticələri belə sonluqla bitdi. Ona görə hesab edirəm ki, bu, öz-özlüyndə nə qədər müsbət hadisə olsa da, İranın Ermənistanla xüsusi müasibətləri fonunda arzuolunan deyil. Ermənistan yürütdüyü siyasətə görə blokada vəziyyətindədir. Bu dövlətin İranla 35 kilometrik sərhədi var və bunun hesabına Ermənistan blokadanın yaratdığı ağır vəziyyəti bir qədər yüngülləşdirə bilir. Ermənistanla İran arasında artan iqtisadi əlaqələr var. Bu yaxınlarda Araz çayı üzərində Su Elektirik Stansiyasının tikilməsi ilə bağlı yeni layihənin əsasını qoydular. Eyni zamanda hərbi sahədə əməkdaşlıq inkişaf tempinə malikdir. Bu reallıqları nəzərə alsaq indiki halda bu təklifin reallaşması üçün münbit şərait yoxdur. İran Pakistan kimi hərəkət edərdisə bu təklifə müsbət yanaşmaq olardı. Halbuki Pakistanla müqayisədə İranla Azərbaycan arasında daha sıx bağlılıq var».

Firudin