"Allahın salamı olsun əziz dostlar! Bildiyiniz kimi mən 78 saylı Lerik seçki dairəsindən  09.02.2020 çi tarixində keçiriləcək parlament seçkilərində namizəd olaraq seçicilərimlə gündəlik görüşlərdəyəm. Maraqlı bir məqamla üzləşdiyimdən bu müraciəti edirəm: "Kimlərsə şayiə yayıblar ki, guya mən namizədliyimi geri götürmüşəm və ya sonda kiminsə xeyrinə götürəcəyəm. İnşallah sona qədər Mübariz olaraq öz əqidə istiqamətində olacağam. Mən sırada öz yerimdəyəm..!"-deyə Hikmət Ağayev bildirib. 

Qeyd edək ki, bu yaxınlarda deputatlığa namizəd Hikmət Ağayev Lerik rayonu, Züvüç kəndində kənd camaatı ilə də görüşllər keçirib. Polkovnik görüş zamanı Qarabağ savaşında şəhid olmuş "Dağ Qartalı" ləqəbli şəhid Lətif Ağayevin məzarını da ziyarət edib və insanların sosial problemləri ilə maraqlanıb.

Bir daha xatırladırıq ki, "Azərbaycan Bayrağı” ordenli  polkovnik Hikmət Ağayev Qarabağ müharibəsində iştirak etmiş və şücaət göstərmiş komandirlərdəndi.  Hikmət Ağayev haqqında daha ətraflı məlumatı bu linkdən oxuya bilərsiniz. 

[url=http://miq.az/az/54-neferi-dusmen-muhasiresinden-cixaran-azerbaycan-bayrai-ordenli-hikmet-aayev/?fbclid=IwAR0iXoyMJgZZ4pJiX9RSWp2G5PUU59L0sy6eYwrI4cP5d5QAY9EWC69_zKI]http://miq.az/az/54-neferi-dusmen-muhasiresinden-cixaran-azerbaycan-bayrai-ordenli-hikmet-aayev/?fbclid=IwAR0iXoyMJgZZ4pJiX9RSWp2G5PUU59L0sy6eYwrI4cP5d5QAY9EWC69_zKI[/url]