Putin yenidən evlənəcəkmi? - Açıqlama

Rusiya prezidentinin mətbuat katibi Vladimir Putinin evlənməsi ilə bağlı gəzən şayiələrə cavab verib. 

“Qafqazinfo”nun Rusiya KİV-nə istinadən verdiyi xəbərə görə, mətbuat katibi Dmitri Peskov Putinin yoldaşı Lyudmila ilə ayrıldıqdan sonra evlənəcəyi ilə bağlı yayılan xəbərləri şayiə adlandırıb. 

“Exo Moskva”ya müsahibəsində Peskov “Putinin başqa qadınının olub-olmamasına münasibət bildirib və “Xeyr, bu, belə deyil” cavabını verib: “Mən yenə də təklif edirəm Vladimir Vladimiroviç və Lyudmila Aleksandrovnanın sözlərinə diqqət yetirək. Yerdə qalanlar dedi-qodu, şayiə və fərziyyələrdir. Heç də çətin deyil ki, təcrübə üçün Putinin qrafikinə baxaq. Siz başa düşəcəksiniz ki, onun həyatı, təəssüf ki, heç bir halda hər hansı ailə münasibətləri ilə bağlı deyil, onun həyatı dövlət başçısı kimi götürdüyü məsuliyyət, öhdəliklərlə əlaqəlidir”.

Peskov “prezidentin toy xəbərini gözləməyə dəyərmi” sualına cavab olaraq isə bildirib ki, mətbuat-katibi olaraq bu suala cavab vermək səlahiyyəti yoxdur: “Lakin sizə əminliklə deyə bilərəm ki, bütün bunlar şayiə və dedi-qodudur”.

Xatırladaq ki, Rusiya prezidenti Vladimir Putin Gimnastika üzrə Olimpiya çempionu, Rusiya Dövlət Dumasının deputatı Alina Kabayevanın münasibətləri 2008-ci ildən başlayıb. İddiaya görə, bu münasibətdən Putinin 3 yaşlı oğlu və 1yaşlı qızı var.