Qanadlı və qaçan fikirlər

Zahid Oruc

Yol qeydləri:

Siyasət maraqları idarəetmə sənətidir.İnsan mənafeləri ni tənzimləmək sunaminin qarşısını almaqdan daha çətindir!

Hər bir xalqın milli mətbəxi ilə idarəetmə sistemi arasında bir bağlılıq var!

Dağları yararaq yüksək arxitekturalı binalar və tunellər çəkən andorralılar, Büsutun dağını yaran Fərhadın eşq hekayəsinin kölgəsində dincələrək yeni məhəbbət romanı yaradanlar-maraqlı mənzərədir.

Neft və ağıl: riyazı işarəni müəyyənləşdirmək hər kəsin özündən asılıdır.

Yeni təhqir şüarı: “21 dekabra şam axtaranlar”...

Dalay Lamaya inanıb dünyanın sonunu gözləyən, həm də Hüseyn-Həsən şəhidliyinə matəm saxlayanların əqidə imtahanı.Əsrin təzadı.

Əgər qiyamətdən şamla xilas olmaq mümkün olsaydı,dünyanı yandırmaq lazım gələrdi.Belədə hər iki halın nəticəsi eynidir.

Cəlil babamız “Ölülər” əsərinin “21 dekabr” personajlarını görüb yüz ilin ölülərinin dərdindən təzədən ölərdi!

Yaxşı ki, ”Nuhun Gəmisinə kimi götürərdin” seçimi adamların özündən asılı deyil. Yoxsa,dünyada bircə adam qalardı!

Əgər dilin zəhərdirsə ,ilanın ağ və ya qara rəngdə olmasının elə bir fərqi yoxdur,sənin üçün!

Ömür yolunda asfalt çəkənlər,yüksək keyfiyyətə bənd olmayın.Onda həyatın sürətini hiss etməyəcəksiz!