Qayınanasından oğurluq etdi

Vətəninfo.az  xəbər verir ki, bir neçə gün bundan əvvəl Abşeron rayonunun Masazır qəsəbəsində oğurluq hadisəsi baş verib. Axar.az-ın məlumatına görə, İbayeva Minarə Ağayar qızının evindən qızıl-brilyant və nağd pul oğurlanıb. Hadisə iyulun 2-də gecə saat 2-yə işləmiş Minarə İbayeva əsgərlikdən gələn bacısı oğlunun ziyafətində olduğu vaxt baş verib. Evə gələndə seyfinin açıq olduğunu görərək pulunun oğurlandığını anlayan ev sahibi polisə məlumat verib.

İlkin məlumatlara görə, qadının evindən dəyəri 40000 manat olan qızıl-brilyantı və 15000 manatı onun yeznəsi Abbasov Heydər Əhəd oğlu oğurlayıb. Axtarışlara baxmayaraq, qayınanasının evindən oğurluq edən yeznəni ələ keçirmək hələ də mümkün olmayıb.

Vətəninfo.az