Türkiyə mətbuatının yazdığına görə, Qazaxıstan Təhsil Nazirliyi bununla bağlı rəsmi açıqlama ilə çıxış edib və açıqlamada 27 məktəbin bağlanmayacağını vurğulayıb. Nazirliyin açıqlamasında bildirilir ki, bu məktəblər əvvəllər olduğu kimi fəaliyyətini davam etdirəcək./Cebhe.info/

Şagirdlər və onların ailələri məktəblərin bağlanacağından narahatlıq keçirməsinlər. Məktəblər Qazaxıstan prezidenti Nursultan Nazarbayevlə o zamankı prezident Turqut Özal arasında əldə edilən razılaşmaya əsasən açılıb və fəaliyyətini əvvəlki qaydada sürdürəcək. Qeyd edək ki, rəsmi Ankara Türkiyənin Astanadakı səfirliyinə sözügedən məktəblərlə bağlı xəbərdarlıq etmiş və bağlanmaları barədə tələb irəli sürmüşdü. Ancaq Qırğızıstan kimi Qazaxıstan da Ərdoğan hökumətinin tələbini rədd edib.