Qlazqoda Azərbaycan mədəniyyət gecəsi keçirilib

Azərbaycanın Böyük Britaniyadakı səfirliyinin dəstəyi və Şotlandiyanın Qlazqo Universitetində fəaliyyət göstərən Azərbaycan Cəmiyyətinin təşkilatçılığı ilə Azərbaycan mədəniyyət gecəsi keçirilib.

Vətəninfo.az AZƏRTAC-a istinadən xəbər verir ki, müxtəlif ölkələrdən tələbələrin iştirak etdikləri gecədə Azərbaycanın son illərdəki sürətli inkişafından bəhs edilib, ölkəmizin infrastrukturu, turizm imkanları, “Baku-2015” birinci Avropa Oyunları və respublikamızda keçirilməsi planlaşdırılan digər beynəlxalq idman tədbirləri haqqında məlumat verilib.

Tədbirdə Azərbaycan milli mətbəxinin təamları, milli rəqslərimiz və musiqilərimiz iştirakçılarda böyük maraq doğurub.