"7 gözəl" Litva Rus Dram Teatrının səhnəsində

Premyera bu ilin aprel-may aylarında Vilnüsda keçiriləcək

Litva Dövlət Rus Dram Teatrında Nizami Gəncəvinin eyni adlı əsəri əsasında "7 gözəl" tamaşası səhnəyə qoyulur. Tamaşanın quruluşçu rejissoru Yonas Vaytkusdur. Tamaşadakı rəqslərə və plastikaya quruluş vermək üçün Azərbaycanın tanınmış rəqqas-xoreoqrafı, "Big apple music awards 2014" mükafatının sahibi Tahir Eynullayev Litvanın Mədəniyyət Nazirliyi tərəfindən rəsmi dəvət alıb. Bu məqsədlə o, mart ayında Litvaya yola düşəcək. Tamaşanın premyerası bu ilin aprel-may aylarında Vilnüsda keçiriləcək. Bu barədə məlumatı Vətəninfo.az-a açıqlamasında Tahir Eynullayev verib.
Xatırladaq ki, 2012-cü ilin noyabr ayında Bakıya dəvət olunmuş Yonas Vaytkus həmin tamaşanı Azərbaycan Dövlət Rus Dram Teatrının səhnəsində qoymuşdu. Tamaşanın xoreoqrafı Tahir Eynullayev idi.

Vətəninfo.az