Rauf Mərdiyev:“Freedom House”qərəzlidir”

“Freedom House” hesabatlarını reallığın obyetiv araşdırmaları əsasında deyil, ayrı-ayrı maraq qruplarının sifarişi əsasında fəaliyyət göstərən yerli QHT-lərin ötürdüyü məlumat əsasında hazırlayır. Ona görə də, Freedom Housenin istər bu, istərsə də bundan sonrakı hesabatlarında hansı ölkələrin “azad” hansılarının “qeyri-azad” göstəriləcəklərini təxmin etmək çətin deyil”. Bu fikirləri Vətəninfo.az saytına açıqlamasında “İrəli” İctimai Birliynin sədri Rauf Mərdiyev “Freedom House” təşkilatının son hesabatına münasibət bildirərkən deyib. Onun sözlərinə görə, “Freedom House” nəyə əsasən əhalisinin 65 %-i İnternet istifadəçisi olan, İnternetdə fəaliyyət azadlıqlarının ən yüksək şəkildə təmin olunduğu, bu il İnternet İdarəçilik Forumuna evsahibliyi etmiş ölkəni İnternet azadlıqlarına görə "qismən azad" göstərir: “Azərbaycanda indiyə kimi heç bir informasiya resusu, sayta məhdudiyyət qoyulmayıb, 20-dən artıq onlayn TV və radio fəliyyət göstərir, minlərlə bloqqer hər gün öz fikirlərini sərbəst şəkildə bölüşürlər. Sual yaranır, Freedom House-a İnternetin "azad" kateqoriyası üçün hansı kriteriyalar tələb olunur? Bütün bu hesabatlar və məlumatlar qərəzli yanaşmanın məhsulu olub, reallığı əks etdirmir və Freedom House kimi təşkilatların bu hesabatları ciddi qəbul edilməməlidir”.