Rusiyada azərbaycanlının 1,5 milyonu oğurlandı

Vətəninfo.az  xəbər verir ki, Rusiyanın Sankt Peterburq şəhərində azərbaycanlı oğurlanıb. ANS PRESS-in məlumatına görə, ötən gün saat 16:30 radələrində 4 naməlum şəxs "Pulkova" hava limanında içərisində azərbaycanlı şəxs və iki cangüdən olan avtomobilə hücum ediblər. "İnterfaks"ın məlumatına görə, hücumçulardan 3-ü qara maskada, biri isə ədliyyə mayoru geyimində olub. Əli silahlı şəxslər adı açıqlanmayan şəxsi cangüdənləri ilə birgə öz mikroavtobuslarına oturmağa vadar ediblər. Yolda onlar 40 yaşlı Azərbaycan vətəndaşının içərisində 1,5 milyon dollar olan çemodanını, mobil telefonlarını əllərindən alıblar. Daha sonra qaçırdıqları hər 3 şəxsi Volxonsk şosesində ataraq qaçıblar. Zərərçəkənlər axşam saatlarında polisə müraciət ediblər.

Qarət edilən azərbaycanlı ilə bağlı bəzi təfərrüatlar da üzə çıxıb. Belə ki,məlumata görə, iş adamı Sankt Peterburqa Dubay reysi ilə gəlib. O, bildirib ki, Sankt Peterburqda elit mənzilə pul yatırmaq üçün sərmayə toplayıb. O, hava limanından çıxanda 6 idmançı görünüşlü şəxs "Ford" markalı maşından düşərək ona "komitə işləyir" qışqıraraq ona yaxınlaşıb. Silahlı şəxslər çox operativ və əlbir şəraitdə işləyiblər. Qeyd edək ki, bu ilk belə hal deyil. Belə ki, 2013-cü ilin sentyabr ayında da Sankt Peterburqun "Pulkova 2" hava limanında Azərbaycanlı iş adamının 2,5 milyon avro pulu oğurlanmışdı. O zaman da hadisə eyni ssenari üzrə qeydə alınmışdı.

Vətəninfo.az