Şamaxıda insan alverinə qarşı maarifləndirmə mövzusunda təlim keçirilib

“Vətəninfo.az”ın verdiyi xəbərə görə, Şamaxı şəhərində “Peşə məktəblərində tələbələr arasında insan alverinə qarşı maarifləndirmə işlərinin aparılması” layihəsi çərçivəsində təlim keçirilib. İnsan alverinə qarşı QHT koalisiyasının üzvü, “XXI Əsrin Qadınları” İctimai Birliyi təşkilatçılığı ilə baş tutan təlimdə Şamaxı İcra Hakiminin müavini Əşrəf Şükürov, litseyin direktoru Ramiz Sultanov və ictimai Birliyin üzvləri iştirak ediblər. Təlimdə çıxış edənlər bəşəriyyətin ən qlobal problemlərindən biri sayılan insan alverinə qarşı mübarizənin zərurliyindən danışıblar. 

Tədbirin sonunda iştirakçılara mövzu üzrə məlumatlandırıcı materialar paylanıb.

Oral MƏDƏNÇİ