Saxlanılan mitinqçilər yoxlanılıb

Ombudsman Aparatının əməkdaşları Daxili İşlər Nazirliyinin Bakı şəhər Baş Polis İdarəsinin İnzibati Qaydada Həbs Olunanların Saxlanılma Məntəqəsində saxlanılan şəxslərlə təklikdə görüşüb, onların saxlanılma şəraitini araşdırıblar. Ombudman Aparatından “Vətəninfo”ya verilən məlumata görə, araşdırma zamanı müəyyən edilib ki, burada saxlanılan 7 nəfər barəsində Bakı şəhərinin ayrı-ayrı rayonlarında 8 aprel mitinqinə çağırış vərəqləri paylayarkən polisin qanuni tələblərinə tabe olmamaq səbəbindən inzibati qaydada həbs seçilib. Saxlanılanlardan Fərzəliyev Teymur Pənah oğlu və Qafarov Qabil Əzim oğlu barələrində seçilmiş inzibati həbs müddətinin bitməsi ilə əlaqədar bu gün sərbəst buraxılacaqlar. Ümumilikdə saxlanılanlarb saxlanılma şəraiti və məntəqə əməkdaşlarının rəftarından şikayət etməqişlər. Eyni zamanda, saxlanılanlar hər hansı pozuntuya yol vermədiklərini, onlardan ikisi isə ilkin tutulma zamanı polis əməkdaşları tərəfindən təzyiqlə üzləşdiklərini bildiriblər. Müvəkkil məsələlərin araşdırılması, müvafiq tədbirlər görülməsi, təqsirkar şəxslərin qanun çərçivəsində cəzalandırılması və nəticəsi barədə ona məlumat verilməsi məqsədi ilə Daxili İşlər nazirinə müraciət edib.

Əli