Dünən sosial şəbəkələrdə yayılan və ölkədə geniş müzakirələrə səbəb olan video ilə bağlı polis tərəfindən araşdırmalar aparılır.

Publika.az xəbər verir ki, çılpaq qızların videosunu çəkən paytaxt sakini ilə və həmin videonu başqa şəxslərə ötürərək yayılmasına səbəb olan şəxsin kimliyi müəyyənləşdirilib. Hər iki şəxs saxlanılaraq Nəsimi rayon Polis İdarəsinə aparılıb.

Bundan başqa qızların təhlükəsizliyinin təmin edilməsi, onların həyatı üçün yaranmış təhlükəni önləmək məqsədi ilə qızların yeri müəyyənləşdirilib və onlar saxlanılıblar.

Bildirilir ki, qızların ailə üzvləri və yaxın qohumları tərəfindən onların həyatına böyük təhlükənin olması ilə bağlı polisə müraciətlər daxil olub.

Həmçinin məlum videoda görüntülənən ağ rəngli "Range Rover” markalı, 90 SA 888 dövlət qeydiyyat nişanlı avtomobil videonu çəkən şəxsin yaşadığı Məmməd Cəfərov küçəsindəki binanın həyətindən götürülüb. Təhlükəsizlik məqsədi ilə avtomobil cərimə meydançasına aparılıb.