Səfirlik vizanın ləğvi ilə bağlı məlumata aydınlıq gətirib

İranın Azərbaycandakı səfirliyi bu ölkənin Azərbaycan vətəndaşları üçün viza rejiminin ləğv etdiyi barədə informasiyaya aydınlıq gətirib.

Vətəninfo.az məlumat verir ki, səfirlikdən "Report"a verilən xəbərə görə, bu məlumat doğru deyil və xatırlatma xarakteri daşıyır.

Səfirlikdən onu da bildiriblər ki, ölkəyə gələn qonaqların 15 gündən artıq burada qalması məsələsi gələcəkdə iki ölkə arasında müzakirə edilə bilər.

Qeyd edək ki, bir sıra kütləvi informasiya vasitələri İranın Kayhan qəzetinə istinadən məlumat yayıb ki, turizm sektorunun inkişafı üçün Azərbaycan da daxil olmaqla, yeddi ölkənin vətəndaşları ilə bağlı viza rejimini ləğv edilib. Eyni zamanda, bu ölkə vətəndaşlarının İranda qalma müddəti 15 gündən 90 günədək artırılıb.

Hazırda mövcüd qaydalarına görə, Azərbaycan vətəndaşlarına İrana turist səfərləri etmək üçün viza lazım deyil. Ölkədə qalma müddəti 2 həftə ilə məhdudlaşır.