Məsələ ilə bağlı Milli Məclisin deputatı Fazil Mustafa Demokrat.az-a açıqlamasında bildirib ki, bu, əslində yolda sürət həddini aşmaqdan daha çox içkili vəziyyətdə, narkotikin təsiri altında qəza törədən şəxslərə aid görülən tədbirlərdir. 

Onun sözlərinə görə, hüquqi şəxslər də bu istiqamətdə işə götürdükləri adamların daha məsuliyyətli davranış sərgiləyəcəyini diqqətdə saxlamalıdırlar:

"Çünki cərimələr bu kateqoriyadan olan insanlar üçün nəzərdə tutulur. 

Eyni zamanda birtərəfli yolun əksi istiqamətində hərəkət etməyin bir xuliqanlıq motivi olaraq cəzanın buna yönəlik sərtləşdirilməsi də nəzərdə tutulur. Sadəcə burada tıxac vəziyyətində məcburi dönüş edən, yaxud da hansısa bir şəkildə vəziyyətdən çıxmağa çalışan sürücülərin də durumu nəzərə alınmalıdır. 

Qanunvericilikdə hansısa formada qeyd olunmalıdır. Çünki bu halda cərimələrin olunması ədalətli görünmür. Yəni, sərtləşdirmə bilavasitə digər vətəndaşların təhlükəsizliyini qorumaq məqsədilə edilir".