SON DƏQİQƏ: Peşmərgə hərəkətə keçdi

Şimali İraq kürd regional rəhbərliyi tərəfindən Kobaniyə göndərilən bu gecə Kobaniyə daxil olacaq.

Vətəninfo.az xəbər verir ki, artıq bu dəqiqələrdə peşmərgənin Suriya sərhədinə doğru hərəkət etdiyi bildirilir.

Türkiyə mediasının məlumatına görə, peşmərgə gücləri sərhədi keçən kimi döyüşməyə hazır vəziyyətə gətirilib.

Kobanidəki mənbələr xəbər verir ki, Azad Suriya Ordusunun Kobaniyə göndərdiyi təxminən 200 nəfərlik qrup İŞİD-ə qarşı aktiv şəkildə döyüşməyə başladı. Azad Suriya Ordusu Kobaninin şərq, cənub və qərb cəbhələrində İŞİD-ə qarşı döyüşür.

Dünən peşmərgə güclərindən 12 nəfərlik texniki heyət ümumi tanışlıq məqsədilə Kobaniyə daxil olmuşdu. Bu qrup peşmərgənin İraqdan gətirdiyi silahların harada saxlanılacağını və birliklərin İŞİD-ə qarşı necə mövqe tutacağını müəyyənləşdirməli idi.